Kun Askari oo dowlada KMG ah ka tirsan oo ku biiray Islaamiyiinta.

Ilaa kun askar ka tirsan dowladda KMG oo lagu soo tababaray dalka Ethiopia ayaa la la'yahay ka dib markii tobabarka loo soo gaba gabeeyay, sidaasi waxaa ogaatay Xogta Media.

Tababarida ciidamadan ka tirsan dowladda KMG ayaa waxaa ku maal gelinayay dowladda Germany gudaha dalka Ethiopia, waxaana ciidamada la siiyay agab kala duwan ka dib markii tababarka uu u soo gaba gaboobay.

Ciidamadan oo tiradoodu ku dhaw dahay kun askari ayaa wararku waxaa ay sheegayaan in la waayay halkii ay ka baxeen labo bilood ka dib markii tababarka loo soo gaba gabeeyay.

Waxaa la aaminsan yahay inay ku biireen dhinacyada dagaalka uga ka horjeeda dowladda KMG gudaha Soomaaliya.

Dowladda Germany, oo lug ku laheyd ciidamada tababaridooda, ma aysan bixin faah-faahin dheeraad ah oo ku saabsan sida ay wax u dhaceen.

Sababta keentay goosashada ciidamadan tirada badan ayaa waxaa lagu waramayaa inay tahay mushaar la'aan.

Waxaa mar walba la arkaa ciidamo dibadda loogu soo tababaray dowladda KMG oo u goosta dhinacyada dowladda ka horjeeda, mana jirto wax ay dowladda KMG ka qabatay arrimahaasi.