Warsaxaafadeed ka soo baxay dawlada Eritariya ayaa amar lagu siiyay dhamaan mucaaradka wadamada Somaliya, Sudan iyo Itoobiya ee saldhigoodu yahay magaalada Asmara inay isaga baxaan dalka Eritaryia maadaama dhaqaalihii loogu tala-galay mucaaradka wadamadaas aysan awoodin inay bixiso dawlada Eritariya.

 Webseydka ku hadla afka Dawlada Eritariya ayaa lagu shaaciyay in mas`uuliyiintii mucaaradka Dawlada Federaalka Somaliyeed oo uu ka mid yahay Shariif Xasan Sheekh Aadan (Gudoomiyihii hore ee Baarlamaanka Somaliya) uu isaga guuray magaalada Asmara, isaga iyo asxaabtiisa qaar, waxaana la filayaa inay u baqoolaan wadamada Jabuuti, Dubai iyo Masar maadaama sida uu qoray Webseydka Dawlada Eritariya,ay la soo deristay dhaqaalo xumo,sidaas-daraadeed waxaa amar lagu siiyay mucaaradka Wadamada Soomaaliya,Sudan iyo Itoobiya,inay isaga huleelaan dalka Eritariya,waa sida lagu faafiyay Webseydka ku hadla afka Dawlada Eritariya.

Dawlada Eritariya ayaa cadaadis weyn uga yimid beesha caalamka, waxaana shuruud looga dhigay inay albaabada isugu dhufato xarumaha mucaaradka Wadamada Soomaaliya,S udan iyo Itoobiya ku leeyihiin dalka Eritariya hadii ay doonayaan inay dhaqaalihii ay ka heli-jireen dawladaha reer galbeedka dib loogu fasaxo.

Halkan ka akhriso warsaxafadeedkii ay soo saartay dawlada Eritariya.

Xigasho:- http://www.awate.com/portal/content

Xigasho webside-ka ku hadla afka dowladda Eritrea : (Akhriso / English).