Waxaa maalinkii shalay dalka Jabuuti wada gaaray xubno ka kala socda Dowladda Federaalka Soomaaliya iyo Isbaheysiga Dib u xoreynta, kuwaasi oo maanta lagu wado in wada hadallo uga furmaan magaalada Djibouti.

Shirka ay isku soo hor-fariisinayaan labadan garab ayaa wuxuu yahay mid farsamo oo ay guddiyada labada dhinac ku jeex jeexayaan sidii ay isula meel dhigi lahaayeen in la helo jawi lagu xaliyo mushkiladda Soomaaliya isla markaana ay ku wada hadlaan mas'uuliyiinta labada dhinac, iyadoo sidoo kalena ay ka wada hadlayaan qaabka ay Ciidamada Itoobiyaanka uga bixi karaan Soomaaliya.

Xubnaha Dowladda Federaalka uga qeybgelaya Wada hadallada

Maxamed Cabdi Ashkir =: wasiirka dib uheshiisiinta dowlada
Maxamed Cali Xaamud =: wasiirka maaliyada
Nuur Iidow Beyle =: xildhibaan
Maxamed Maxamuud Xeyd =: xildhibaan
C/llaahi Shiikh Ismaaciil =: xildhibaan
C/raxmaan Jaamac =: xildhibaan
Cabdalla Boos Axmed =: xildhibaan
Ibrahim Garabey =: xildhibaan
Ismaaciil Macallin Muuse =: gudoomiyaha dib uheshiisiinta qaranka

Xubnaha Isbaheysiga dib u xoreynta uga qeybgelaya wada hadalada

Prof. Ibraahim Xasan Caddow
Prof. C/raxmaan Xaaji Aadan Ibbi
C/qaadir Xaaji Maxamuud Dhaqane
C/raxmaan Maxamuud Jinaqow
C/raxmaan Dheere
Cumar Idiris

Sidoo kale waxaa jira magacyo kale oo aan inoo suura galin inaa helno.

Sikastaba ha haatee shirkaani ayaa waxaa uu yahay mid rajo laga muujinaayo in uu qabsoomo waxaana jira in Qaramada Midoobay ay garwadeen ka tahay shirkaasi.